Devi Mahatmyam Durga Saptasati Chapter 9 in Telugu

Devi Mahatmyam Durga Saptasati Chapter 9 – Telugu Lyrics (Text)
Devi Mahatmyam Durga Saptasati Chapter 9 – Telugu Script

రచన: ఋషి మార్కండేయ

నిశుంభవధోనామ నవమోధ్యాయః ||

ధ్యానం

ఓం బంధూక కాంచననిభం రుచిరాక్షమాలాం
పాశాంకుశౌ చ వరదాం నిజబాహుదండైః |
బిభ్రాణమిందు శకలాభరణాం త్రినేత్రాం-
అర్ధాంబికేశమనిశం వపురాశ్రయామి ||

Devi Mahatmyam Durga Saptasati Chapter 9 in Telugu

రాజోఉవాచ||1||

విచిత్రమిదమాఖ్యాతం భగవన్ భవతా మమ |
దేవ్యాశ్చరితమాహాత్మ్యం రక్త బీజవధాశ్రితమ్ || 2||

భూయశ్చేచ్ఛామ్యహం శ్రోతుం రక్తబీజే నిపాతితే |
చకార శుంభో యత్కర్మ నిశుంభశ్చాతికోపనః ||3||

ఋషిరువాచ ||4||

చకార కోపమతులం రక్తబీజే నిపాతితే|
శుంభాసురో నిశుంభశ్చ హతేష్వన్యేషు చాహవే ||5||

హన్యమానం మహాసైన్యం విలోక్యామర్షముద్వహన్|
అభ్యదావన్నిశుంబో‌உథ ముఖ్యయాసుర సేనయా ||6||

తస్యాగ్రతస్తథా పృష్ఠే పార్శ్వయోశ్చ మహాసురాః
సందష్టౌష్ఠపుటాః క్రుద్ధా హంతుం దేవీముపాయయుః ||7||

ఆజగామ మహావీర్యః శుంభో‌உపి స్వబలైర్వృతః|
నిహంతుం చండికాం కోపాత్కృత్వా యుద్దం తు మాతృభిః ||8||

తతో యుద్ధమతీవాసీద్దేవ్యా శుంభనిశుంభయోః|
శరవర్షమతీవోగ్రం మేఘయోరివ వర్షతోః ||9||

చిచ్ఛేదాస్తాఞ్ఛరాంస్తాభ్యాం చండికా స్వశరోత్కరైః|
తాడయామాస చాంగేషు శస్త్రౌఘైరసురేశ్వరౌ ||10||

నిశుంభో నిశితం ఖడ్గం చర్మ చాదాయ సుప్రభమ్|
అతాడయన్మూర్ధ్ని సింహం దేవ్యా వాహనముత్తమమ్||11||

తాడితే వాహనే దేవీ క్షుర ప్రేణాసిముత్తమమ్|
శుంభస్యాశు చిచ్ఛేద చర్మ చాప్యష్ట చంద్రకమ్ ||12||

ఛిన్నే చర్మణి ఖడ్గే చ శక్తిం చిక్షేప సో‌உసురః|
తామప్యస్య ద్విధా చక్రే చక్రేణాభిముఖాగతామ్||13||

కోపాధ్మాతో నిశుంభో‌உథ శూలం జగ్రాహ దానవః|
ఆయాతం ముష్ఠిపాతేన దేవీ తచ్చాప్యచూర్ణయత్||14||

ఆవిద్ధ్యాథ గదాం సో‌உపి చిక్షేప చండికాం ప్రతి|
సాపి దేవ్యాస్ త్రిశూలేన భిన్నా భస్మత్వమాగతా||15||

తతః పరశుహస్తం తమాయాంతం దైత్యపుంగవం|
ఆహత్య దేవీ బాణౌఘైరపాతయత భూతలే||16||

తస్మిన్ని పతితే భూమౌ నిశుంభే భీమవిక్రమే|
భ్రాతర్యతీవ సంక్రుద్ధః ప్రయయౌ హంతుమంబికామ్||17||

స రథస్థస్తథాత్యుచ్ఛై ర్గృహీతపరమాయుధైః|
భుజైరష్టాభిరతులై ర్వ్యాప్యా శేషం బభౌ నభః||18||

తమాయాంతం సమాలోక్య దేవీ శంఖమవాదయత్|
జ్యాశబ్దం చాపి ధనుష శ్చకారాతీవ దుఃసహమ్||19||

పూరయామాస కకుభో నిజఘంటా స్వనేన చ|
సమస్తదైత్యసైన్యానాం తేజోవధవిధాయినా||20||

తతః సింహో మహానాదై స్త్యాజితేభమహామదైః|
పురయామాస గగనం గాం తథైవ దిశో దశ||21||

తతః కాళీ సముత్పత్య గగనం క్ష్మామతాడయత్|
కరాభ్యాం తన్నినాదేన ప్రాక్స్వనాస్తే తిరోహితాః||22||

అట్టాట్టహాసమశివం శివదూతీ చకార హ|
వైః శబ్దైరసురాస్త్రేసుః శుంభః కోపం పరం యయౌ||23||

దురాత్మం స్తిష్ట తిష్ఠేతి వ్యాజ హారాంబికా యదా|
తదా జయేత్యభిహితం దేవైరాకాశ సంస్థితైః||24||

శుంభేనాగత్య యా శక్తిర్ముక్తా జ్వాలాతిభీషణా|
ఆయాంతీ వహ్నికూటాభా సా నిరస్తా మహోల్కయా||25||

సింహనాదేన శుంభస్య వ్యాప్తం లోకత్రయాంతరమ్|
నిర్ఘాతనిఃస్వనో ఘోరో జితవానవనీపతే||26||

శుంభముక్తాఞ్ఛరాందేవీ శుంభస్తత్ప్రహితాఞ్ఛరాన్|
చిచ్ఛేద స్వశరైరుగ్రైః శతశో‌உథ సహస్రశః||27||

తతః సా చండికా క్రుద్ధా శూలేనాభిజఘాన తమ్|
స తదాభి హతో భూమౌ మూర్ఛితో నిపపాత హ||28||

తతో నిశుంభః సంప్రాప్య చేతనామాత్తకార్ముకః|
ఆజఘాన శరైర్దేవీం కాళీం కేసరిణం తథా||29||

పునశ్చ కృత్వా బాహునామయుతం దనుజేశ్వరః|
చక్రాయుధేన దితిజశ్చాదయామాస చండికామ్||30||

తతో భగవతీ క్రుద్ధా దుర్గాదుర్గార్తి నాశినీ|
చిచ్ఛేద దేవీ చక్రాణి స్వశరైః సాయకాంశ్చ తాన్||31||

తతో నిశుంభో వేగేన గదామాదాయ చండికామ్|
అభ్యధావత వై హంతుం దైత్య సేనాసమావృతః||32||

తస్యాపతత ఏవాశు గదాం చిచ్ఛేద చండికా|
ఖడ్గేన శితధారేణ స చ శూలం సమాదదే||33||

శూలహస్తం సమాయాంతం నిశుంభమమరార్దనమ్|
హృది వివ్యాధ శూలేన వేగావిద్ధేన చండికా||34||

ఖిన్నస్య తస్య శూలేన హృదయాన్నిఃసృతో‌உపరః|
మహాబలో మహావీర్యస్తిష్ఠేతి పురుషో వదన్||35||

తస్య నిష్క్రామతో దేవీ ప్రహస్య స్వనవత్తతః|
శిరశ్చిచ్ఛేద ఖడ్గేన తతో‌உసావపతద్భువి||36||

తతః సింహశ్చ ఖాదోగ్ర దంష్ట్రాక్షుణ్ణశిరోధరాన్|
అసురాం స్తాంస్తథా కాళీ శివదూతీ తథాపరాన్||37||

కౌమారీ శక్తినిర్భిన్నాః కేచిన్నేశుర్మహాసురాః
బ్రహ్మాణీ మంత్రపూతేన తోయేనాన్యే నిరాకృతాః||38||

మాహేశ్వరీ త్రిశూలేన భిన్నాః పేతుస్తథాపరే|
వారాహీతుండఘాతేన కేచిచ్చూర్ణీ కృతా భువి||39||

ఖండం ఖండం చ చక్రేణ వైష్ణవ్యా దానవాః కృతాః|
వజ్రేణ చైంద్రీ హస్తాగ్ర విముక్తేన తథాపరే||40||

కేచిద్వినేశురసురాః కేచిన్నష్టామహాహవాత్|
భక్షితాశ్చాపరే కాళీశివధూతీ మృగాధిపైః||41||

|| స్వస్తి శ్రీ మార్కండేయ పురాణే సావర్నికే మన్వంతరే దేవి మహత్మ్యే నిశుంభవధోనామ నవమోధ్యాయ సమాప్తమ్ ||

ఆహుతి

ఓం క్లీం జయంతీ సాంగాయై సశక్తికాయై సపరివారాయై సవాహనాయై మహాహుతిం సమర్పయామి నమః స్వాహా ||